Ходаи: Образовните реформи се гледаат како можност за политичко издигнување

Претседателот на Сојузот на средношколци, Бленди Ходаи во своето денешно гостување во емисијата „Патот Кон“ на Алсат рече дека причината поради која досега пропаднаа неколку обиди за реформа на образованието е отсуство на консултација со директно засегнатите страни.

„Причината зошто имавме реформи во образованието кои никогаш не беа завршени или не беа успешно спроведени во образованието, е фактот што Министерството за образование и наука или други институции, кога почнаа да прават реформи, воопшто не ги консултираа главните актери погодени од овие одлуки“, рече меѓудругото Ходаи.

Ходаи додаде дека за да има успешни реформи, потребен е и консензус меѓу политичките субјекти.

„Погледнете ја поларизацијата во Парламентот, додека во европските земји кога станува збор за реформа во образованието и младинска политика, за да се подигне стандардот на младите, тие имаат целосен консензус и во Парламентот и во рамките на партиите“, рече Ходаи.

Ходаи го опишува забрзувањето на реформите во образованието како обид на институциите да добијат политички поени.