Изречени 45 санкции за брзо возење на територија на СВР Велес

Полициски службеници денеска спроведоа акциска контрола на подрачјето на СВР Велес за санкционирање на возачи кои управуваат возила со брзина поголема од пропишана, при што изречени се 45 санкции.

Од нив, како што соопшти МВР, седум возачи ја пречекориле пропишаната брзина во населено место, а 38 надвор од населено место. Притоа, три возила се санкционирани за движење со брзина поголема од 50 километри на час над дозволеното.