Ковачевски: Изјавата на Борел влијателна за процесот, но потребни се дела

Премиерот Димитар Ковачевски изрази увереност дека изјавата на високиот претставник за надворешна и безбедносна политика на ЕУ, Жозеп Борел, со која апелираше крајот на француското претседателство да биде рокот до кога мора да се надмине спорот меѓу Софија и Скопје и да започнат преговорите на Македонија и на Албанија со Европската унија, ќе влијае поволно за интензивирање на процесот.

„Сакам да верувам дека преку такви изјави ќе се влијае процесот да добие на интензитет, меѓутоа, сакам да верувам и дека ќе се премине од изјави и декларации на оперативна имплементација на организирање на прва меѓувладина конференција за С Македонија и Албанија“, рече Ковачевски.