Локалната власт изврши увид во изградбата на поликлиниката во Сарај

Здравствените и локалните власти извршија увид во градежните работи на поликлиниката Сарај. Над 45 илјади жители на оваа општина досега немаа таков семеен медицински центар, во област што опфаќа 20 населени места. Оваа поликлиника, според надлежните, се очекува да има општи медицински услуги, специјалисти за дијагностика, рентген и лабораторија. По оваа инвестиција, се очекува да биде вработен медицински персонал, 30 лекари специјалисти, 140 општи лекари и 200 медицински сестри.

Според проектот на Министерството за здравство, на ред се поликлиниките и во другите општини како Аеродром, Лисиче, Бутел, Карпош и Кисела Вода. Ова се ветуваше цела деценија, а локалните власти не прецизираа кога ќе биде отворен за граѓаните. Првиот човек на општината, Блерим Беџети вети дека на долгото чекање за овој проект му дојде крајот.

„Мислам дека со оваа динамика многу скоро овој проект ќе биде завршен и конечно општина Сарај на својата територија ќе има поликлиника. Граѓаните ќе можат да добиваат услуги тука и да не бидат принудени како порано да одат во други општини, за услуги што се неопходни за секој поединец и секое семејство, на кои ќе им требаат вакви контроли“, изјави Блерим Беџети, градоначалник на Сарај.