Македонија ја добива првата жена претседател

Македонија гласаше за 7-ми претседател, од осамостојувањето на државата, а за прв пат во историјата на државата ќе биде жена претседател. Гордана Силјановска Давкова од ВМРО-ДПМНЕ доби над 560.000 гласови односно 65 отсто од оние кои гласале. Силјановска како инспирација го опиша тоа што земјата за прв пат ќе има претседателка, а вети дека ќе направи се за да ги заштити националните и државните интереси врз основа на нејзините надлежности.

Противникот на Силјановска, актуелниот претседател, Стево Пендаровски успеа да добие 251.541 гласа или околу 29 отсто од оние кои гласале. Тој го прифати поразот и му честиташе на новиот претседател.

Силјановска и Пендаровски беа ривали и и на изборите во 2019 година, кога Пендаровски беше избран за претседател.

Ајнур Бафќари