Математиката за изградба на автопатите во земјава не застанува на износот од 1.300.000 евра

Проектираниот износ од 1.300.000 евра за изградба на четирите најавени автопати во земјава не се последната сума којашто ќе треба да се плати. Како што вели министерот за транспорт и врски, Благој Бочварски, во своето вечерашно гостување во емисијата „Економски Магазин“ на Алсат, државата ќе треба да исплати дополнителни суми за експропријација на приватните имотите низ кои ќе минуваат трасите.

„Државата овој момент има проценка дека експропријацијата ќе чини некаде над 200, 220 милиони евра, за што Јавното претпријатие за државни патишта има обезбедено средства, но тие постапки се водат со понуди од Управата за имотно правни работи до граѓаните кои имаат приватен имот на трасата и доколку се склучи спогодба се исплаќа сумата“, вели Бочварски.