МЗ: Не постои законска пречка за увоз на вакцини против Ковид

Министерството за здравство има подготвена легислатива, логистика, инфраструктура, за почеток на вакцинацијата против Ковид 19. Не постои никаква законска пречка нашата земја да изврши увоз на вакцини против вирусот СарсКов2, велат од ова министерство во одговор на прашање од Алсат. Од таму се додава:

Министерството за здравство и МАЛМЕД се во постојана координација и комуникација и која било вакцина да дојде во нашата земја овде институции се подготвени истата во рекордно кратко врме да ја пуштат во употреба. Конкретно за вакцините што денеска во нашата земја требаше да стигнат од Република Србија, истото е одложено поради тоа што е потребно докомплетирање на документацијата од производителот на вакцината која Република Србија требаше да ја донесе во нашата земја, се наведува во одговорот од Министерството за здравство.