Од утре вакцинацијата во Македонија во 5-тта брзина, по 15.000 лица дневно

Четири дена по ред пунктовите за вакцинација беа затворени за граѓаните кои се наоѓаат на списокот за имунизација против Ковид 19. Во петокот, неколку екипи беа ангажирани на терен за вакцинирање на стари лица. АЛСАТ побара одговор од Министерството за здравство зошто беше потребно вакцинирањето да се прекинува толку многу денови, но не добивме одговор.

По неколкудневното прекинување на процесот на вакцинирање поради празниците, утре се очекува да започне масовна имунизација на населението. Освен во главниот град, масовна вакцинација ќе има и во други шест градови во земјата, а се очекува да се вакцинираат и по 15.000 граѓани дневно.

Масовната вакцинација започнува по пристигнувањето на 200-те илјади дози кинески вакцини со кои ќе се вакцинираат сите кои се пријавиле на веб-страницата вакцинација.мк, како и постарите лица кои закажале преку матичниот лекар.

Досега во земјава се вакцинирани околу 62 илјади граѓани, а околу 220 илјади други се пријавени и чекаат ред.