Ракометната Федерација на Македонија излезе со соопштение во кое инфомираше околу отвореноста на мечевите за јавноста, посебно за дуелите во Скопје. По договор на селекторите на Македонија и Хрватска, младинците ќе играат пред затворени врати.
„На барање на селекторите и стручните штабови на македонската и хрватската младинска ракометна репрезентација, Ве известуваме дека двата подготвителни пријателски натпревари кои ќе бидат одиграни во Скопје во Автокоманда на 15-ти и 16-ти март 2024, ќе бидат од затворен карактер, односно тренинг-натпревари без присуство на публика.
Кадетската машка ракометна репрезентација на 14-ти март 2024 во раните утрински часови заминa за Црна Гора каде ќе ги одигра пријателските натпревари со кадетската репрезентација на Црна Гора, закажани за 14-ти и 15-ти март 2024 во Подгорица.
Дополнително сениорската машка ракометна репрезентација денеска наутро заминa за Романија, а претстојните подготвителни натпревари со репрезентацијата на Романија ќе бидат одиграни на 15-ти и 16-ти Март во Браила.
Првиот тренинг-натпревар ќе биде организиран без присуство на публика со почеток во 18.00 часот, додека вториот натпревар на 16-ти март ќе започне во 17.30 часот со пренос на TV Pro Arena“, се вели во соопштението на РФМ.
