СБ: Македонија годинава со раст на БДП 3,6%

Економијата годинава ќе забележи раст од 3,6 отсто, предвидува Светската банка во делот за Македонија во нејзиниот најнов извештај објавен денеска. За догодина предвидувањата се дека растот на БДП ќе изнесува 3,5 проценти. Растот ќе зависи од враќањето на довербата на потрошувачите и компаниите, како резултат на слабеењето на пандемијата и намалената политичка нестабилност. Во регионот, најдобра прогноза има за Црна Гора за која се предвидува раст годинава за над седум насто, а најлоша за Босна и Херцеговина со 2,8 проценти.