Сè уште повеќе активни пожари низ земјава

За разлика од вчера, денеска на планината Осој во близина на селото Раховиќ во Општина Сарај има уште повеќе жаришта на пожари. Армијата и противпожарните екипи се на терен. Романски авиони и армиски хеликоптери исто така фрлаа вода.

Жителите на Раховиќ велат дека биле исплашени во текот на ноќта, а полицијата и пожарникарите биле присутни во селото. Пожарникарите, пак, велат дека теренот е тежок и се трудат толку колку што се нивните можности.

„Синоќа дуваше многу силен ветер и многу се запали, ни јас не спиев до два часот. Имам куќа во близина, се плашев да спијам со децата.“

„Колку што дозволуваат нашите можности и капацитет, бидејќи сме со едно возило и тројца пожарникари. Успеавме да изгаснеме дел како што гледате. Ќе видиме подоцна.“

Од Центарот за управување со кризи велат дека покрај пожарите во регионот на Сарај, пожари има и во регионите Пехчево, Петровец и Македонски Брод.

Од Метеоролошкиот завод соопштуваат дека високите температури ќе продолжат и понатаму. Како никогаш досега Македонија живее со температури над 40 степени подолг временски период.

За потсетување, највисоката измерена температура во Македонија е од летото 2007 година, кога во Демир Капија термометарот покажа 45,7 степени.

Mefail Ismaili