Стартува со работа нова инвестиција на Алкалоид од 720.000 евра
Алкалоид пушти во употреба нова инвестиција вредна 720.000 евра. Станува збор за нови лаборатории за контрола на квалитет, истражување, развој и регистрација во сегментот на производство на козметички производи во Ѓорче Петров. Инвестицијата е реализирана согласно најсовремените услови за лабораториска работа и обработка на податоци. Добро познатите брендови на Алкалоид – Бекутан, Сатва, Јанг Дерм, Блек Ап и Глос, сега ќе имаат нова лабораториска опрема за контрола и следење на нивниот квалитет.
„Овие нови лабораториски капацитети имаат за цел високи очекувања во однос на квалитетот на нашите козметички производи и создаваат нови производи во согласност со потребите на современите трендови во козметологијата“, изјави генералниот директор на Алкалоид, Живко Мукаетов.