Субвенции од 850 000 евра за енергетска ефикасност

Владата на вчерашната седница ја усвои програмата за оваа година за поттикнување на енергетската ефикасност во домаќинствата. Со 52 милиони денари се планира да се покријат повеќе мерки. Државата ќе надомести до 30 отсто од трошоците за купување и вградување на сончеви колектори но не повеќе од 10 илјади денари по семејство. Државата ќе надомести и 30 отсто од трошоците на домаќинствата, но не повеќе од 62 илјади денари кои ќе купат и инсталираат фотонапонски панели за производство на струја до 4 киловати за сопствена потрошувачка. Предвидени се и пари за надомест на трошоци на граѓаните кои ќе наместат ПВЦ или алуминиумски прозори во домовите. Повратот би бил 50 отсто од трошоците, но не повеќе од 20 илјади денари по домаќинство.