Судски совет; Мнозинството што вчера гласаше против Дамева, денеска не избра претседател

Членовите на Судскиот совет, кои вчера на предлог на поранешниот висок функционер на ДУИ, во моментот потпретседател на Советот Селим Адеми, без претходна постапка ја разрешија Весна Дамева од челото на Судскиот совет, денеска не успеаја да обезбедат 8 гласа за избор на нов претседател.

„Кога се избира претседател на Судскиот совет, подобро е, и пожелно е сите 13 членови на советот да бидат присутни. Сепак, од оправдани причини, членка на Судскиот совет не е присутна, а сите се согласуваме дека кога имаме вака важни точки, сите треба да бидеме присутни и затоа предлагам седницата да се одложи за 2 мај“, рече Адеми.

На судницата вчера на која се гласаше за разрешување на претседателката Дамева, исто така присуствуваа 12 членови на Судскиот совет, За ова, го прашавме потпретседателот Селим Адеми зошто отсуството на членот Мирјана Радевска Стефкова не беше проблем вчера, кога по секоја цена беше потребно да се разреши Дамева но тој одлучи да не одговори и ја напушти салата.

Според Дамева, одложувањето на седницата денеска се должи на други причини.

На вчерашната и на денешната седница, која повторно беше одложена по иницијатива на поранешниот висок функционер на ДУИ и заменик претседател на Судскиот совет, Селим Адеми, требаше да се разговара за мерките што треба да се преземат против „спасителот“ на Сашо Мијалков, судијата Енвер Беџети. Разрешувањето на Дамева предизвика јавна дебата, при што многу експерти за правда рекоа дека нејзиното разрешување е незаконско. Се уште не е јасно која институција ќе треба да ја потврди законитоста на оваа постапка.

Ардит Рамадани