Тренчевска: Од март платите согласно новата одлука за минимална плата

Мартовската плата ќе треба да биде усогласена согласно новата одлука за висина на платите, рече во своето вечерашно гостување во емисијата „Економски магазин“ на Алсат, министерката за труд и социјала, Јована Тренчевска.

„Со исплатата на мартовската плата на работниците во државата ќе мора платите да бидат усогласени согласно новата одлука за висината на минималната плата. Ова е системско решение, што значи дека секоја година минималната плата ќе ги следи трошоците на живот, односно инфлацијата и порастот на просечната плата“, рече Тренчевска.