Вучиќ до Заев: Знам дека утре поднесуваш ОСТАВКА, благодарам на соработката

Претседателот на Србија, Александар Вучиќ, во своето денешно излагање во рамки на иницијативата Отворен Балкан што се одржува во Тирана, му се заблагодари на премиерот Зоран Заев за придонесот во целиот процес, како и кон неговите заложби за пријателство помеѓу трите земји во регионот.

„Ти благодарам за сѐ, за огромниот труд, знам дека утре поднесуваш оставка, сакам да ти се заблагодарам за сѐ што направи за пријателството меѓу Србија и Македонија и пријателството помеѓу нашите три држави“, рече Вучиќ.