Новиот правилник за изградба на нови објекти предвидува секој станбен објект, без разлика дали станува збор за зграда или куќа, ќе мора да има сончев колектор за исполнување на критериумите за енергетска ефикасност, најави во вечерашното гостување во емисијата Економски магазин на Алсат, Валентина Старделова, раководител на сектор за енергетика при министерството за економија.
“Тоа е барање коешто произлегува од Европската унија и од Енергетската заедница. Она што е новина, за која се надеваме дека ќе влезе во правилникот којшто треба да го донесе министерот, е задолжителноста за поставување на сончеви колекторски системи за сите нови згради коишто ќе бидат изградени по влегување во сила на Правилникот“, рече Старделова.
