Napoli, kampion i Italisë pas 33 vitesh pritje

Skuadra e Napolit zyrtarisht është kampioni më i ri i Serie A për sezonin 2022/23 dhe ky titull arrihet pas 33 viteve. Ekipi i Luciano Spallettit barazoi 1 me 1 ndaj Udineses në stadiumin “Dacia” dhe mjaftoi kjo pikë për t’u shpallur kampion.

Ishin fillimisht vendasit që kaluan në epërsi me anë të Lovric në minutën e 13’të. Në pjesën e dytë, sulmuesi afrikan, Viktor Osimhen shënoi një gol tejet të bukur për ta barazuar rezultatin.

Kapiteni i Kombëtares së Kosovës, Amir Rrahmani shkruan historinë duke u bërë lojtari i parë kosovar që fiton një titull të Serie A. Kujtojmë që Napoli tani shkon në kuotën e 80 pikëve ku kanë mbetur edhe pesë xhiro deri në fund të sezonit.

Në pozitën e dytë në Serie A qëndron Lazio me 64 pikë, 16 pikë më pak se lideri i Serie A, Napoli