Indiana Pejsers fitoi 108-91 ndaj Oklahoma në finalen e gjashtë “play off” në NBA, duke barazuar 3-3 serinë e takimeve mes dy skuadrave. Gjithçka për sa i përket ekipit kampion do të vendoset në ndeshjen e shtatë dhe të fundit.
Dy skuadrat finaliste, që nuk priteshin të arrinin deri këtu në këtë fillim-sezon, zhvilluan një tjetër ndeshje të bukur. Në shtëpinë e saj, Indiana nuk zhgënjeu dhe arriti të triumfojë me meritë.
Gjashtë basketbollistë të Indiana-s realizuan mbi 10 pikë, ku u dallua Topin me 20 pikë. Për Oklahoma Sitin, Aleksander Shai realizoi 21 pikë, por që s’mjaftuan për të fituar. Ndeshja e shtatë do të luhet të hënën në shtëpinë e Oklahoma-s.
NBA-Finalet play off
Nd.1, Oklahoma – Indiana, 110-111
Nd.2, Oklahoma – Indiana, 123-107
Nd.3, Indiana – Oklahoma, 116-107
Nd.4, Indiana – Oklahoma, 104-111
Nd.5, Oklahoma – Indiana, 120-109
Nd.6, Indiana – Oklahoma, 108-91 (3-3)
Nd.7, Oklahoma – Indiana, 22 qershor
