Në mbarë botën, viti 2025 është pritur me fishekzjarrë dhe organizime mahnitëse në qendrat e qyteteve

Nga Sidnej në Mumbai, nga Parisi, në Rio de Zhanerio, në mbarë botën vitit 2025 u mirëprit me shfaqje spektakolare me fishekzjarrë përqafime dhe muzikë.

Ceremonia e shpërthimit të topit të natës në “Tajms Skuer” të Nju Jork, u shoqërua me mijëra brohorima nga të pranishmit të cilët sfiduan motin e ftohtë dhe me shi për të festuar fillimin e vitit 2025.

Vendet në Oqeanin Paqësor Jugor ishin të parat që mirëpritën Vitin e Ri. Zelanda e Re e priti atë 18 orë përpara se ceremonia të fillonte në “Tajms Skuer”

Okland ishte qyteti i parë i madh që festoi, me mijëra njerëz që u mblodhën në qendër të qytetit ose u ngjitën në unazën e majave vullkanike të qytetit për të hedhur fishekzjarrë.

Pjesa më e madhe e Japonisë u mbyll përpara festës më të madhe të vendit, pasi tempujt dhe shtëpitë iu nënshtruan një pastrimi të plotë. Viti i ardhshëm i Gjarprit në zodiakun aziatik është paralajmëruar si viti i rilindjes. Vende të tjera në Azi do të shënojnë Vitin e Gjarprit më vonë, me Vitin e Ri Hënor.

Në Indi, mijëra argëtues në qendrën financiare të Mumbait u dyndën në shëtitoren e zhurmshme të qytetit përballë Detit Arabik.

Në Sri Lanka, njerëzit u mblodhën në tempujt budistë për të ndezur llambat e naftës dhe shkopinjtë e temjanit dhe për t’u lutur.

Në Dubai, mijëra njerëz ndoqën një shfaqje fishekzjarrësh në Burj Khalifa, rrokaqiellin më të lartë në botë.

Parisi mbylli një 2024 të rëndësishëm me numërimin mbrapsht tradicional dhe ekstravagancat e fishekzjarrëve. Monumenti emblematik i “Harku i Triumfit” u shndërrua në një tablo gjigante për një shfaqje me dritë që festonte monumentet e qytetit dhe kalimin e kohës, me orë që rrotullohen.

Londra kumboi Vitin e Ri me një ekspozitë piroteknike përgjatë lumit Tamiz.

Në Ukrainë ka pasur heshtje dhe jo festime si pasojë e luftës.  /Alsat.mk