Në vitin 2024 pritet të përfundojë restaurimi i katedrales Notre Dame

Dy vite pasi flakët pushtuan simbolin e Parisit, katedralen Notre Dame ndërtesa sot duket më e sigurt dhe jashtë rrezikut por ende e papërfunduar. Agjencia e cila po merret me restaurimin e saj siguron se monumenti shumë shpejt do të jetë gati për publikun.

Ekspertët janë ende duke punuar me pjesën më të lartë të katedrales, e cila gjatë zjarrit ra nëpër ndërtesë.

Prova gjigande të formuara që të përshtaten mirë në kupolat e dëmtuara po vendoseshin javën e kaluar. Të tjerë punëtore po shtrinin një ‘ombrellë’ mbrojtëse mbi hapjen e madhe të majës së katedrales për ta mbrojtur nga kushtet e motit.

Sigurimi i katedrales ka qenë një hap i parë i domosdoshëm, por i kushtueshëm, i vlerësuar në 160 milion €. Ai përfshinte heqjen e dritareve të qelqit, kontrollimin e statujave, heqjen e rrënojave dhe instalimin e rrjetave mbrojtëse.

Katedralja, një pikë referimi e arkitekturës gotike dhe një atraksion i madh turistik, mori flakë më 15 Prill 2019. Zjarri shkatërroi çatinë, pjesën fundore të godinës.

Presidenti francez Emmanuel Macron mori përsipër të restaurojë katedralen brenda pesë viteve. Por deri më sot, shumica e punimeve janë përqendruar në bërjen e ndërtesës të sigurt, duke përfshirë pastrimin e plumbit toksik nga çatia dhe spiralja që u shkri në zjarr.

Agjencia publike e ngarkuar me restaurimin tha se faza e sigurimit duhet të zgjasë deri në verë. Data e përfundimit për restaurimin dhe rihapjen e katedrales është vendosur për në vitin 2024.