Netanjahu pritet në Uashington, takim me Trump në fokus
Kryeministri izraelit Benjamin Netanjahu planifikon të vizitojë Uashingtonin të hënën e ardhshme për një takim me presidentin amerikan Donald Trump. Sipas CNN, në qendër të bisedimeve do të jenë programi bërthamor i Iranit, një marrëveshje e re sigurie mes SHBA-së dhe Izraelit, si dhe përpjekjet për normalizimin e marrëdhënieve mes Izraelit dhe Arabisë Saudite.
Marrëveshja aktuale e ndihmës ushtarake amerikane për Izraelin, që parashikon 3.8 miliardë dollarë në vit, skadon në vitin 2028, ndaj pritet të diskutohet edhe një kornizë e re bashkëpunimi mes dy vendeve. Në axhendë pritet të jetë edhe normalizimi i marrëdhënieve me Arabinë Saudite, një objektiv që administrata Trump e ka konsideruar prioritet. Megjithatë, Riadi ka përsëritur se nuk do të ecë drejt një marrëveshjeje me Izraelin pa një rrugë të besueshme për krijimin e një shteti palestinez.
