Nga gjashtë vjet burg për dy doganierë, ishin pjesë e një rrjeti kontrabande

Aktvendim për disa nga doganierët që mundësuan kontrabandën e medikamenteve për prodhimin e ekstazave.

Gjykata Penale e Shkupit ka dënuar katër nga tetë doganierët e akuzuar të cilët e kanë pranuar fajësinë për veprën penale kontrabandë.

Dy doganierë u dënuan me nga gjashtë vjet burg, ndërsa dy u dënuan me kusht nga gjashtë muaj nëse përsërisin veprën penale në 6 muajt e ardhshëm.

Prokuroria për ndjekje të krimit të organizuar dhe korrupsionit, e cila ka hapur rastin, ka paralajmëruar ankesë kundër këtyre aktgjykimeve, njoftuan nga prokuroria.

Hetimi nisi dhjetorin e kaluar, në të cilin, sipas prokurorisë, është konstatuar se doganierë, policë dhe persona të tjerë kanë organizuar dy herë transferim të paautorizuar të tabletave, ndërsa katër doganierët kanë lejuar prekursorët kalimin e kufirit.

Procedura gjyqësore vazhdon për ata që nuk e kanë pranuar fajësinë./ Alsat.mk