Nga viti i ardhshëm do të fillojë ulja e çmimit të roamingut me BE-në

Gazetar: Ile Petrevski

Nga viti 2023 dhe në katër vitet e ardhshme do të ketë një periudhë uljeje të çmimeve të shërbimeve roaming, me vendet e Bashkimit Evropian.

Nisma është në fazën fillestare, por është mirë që qëndrimet janë zbutur, thonë autoritetet, sepse plani fillestar ishte që t’u jepej vendeve të Ballkanit Perëndimor një mundësi të tillë, pas anëtarësimit të barabartë në Bashkimin Evropian.

Megjithatë, prej një viti shërbimet roaming në vendet e Ballkanit Perëndimor tarifohen me të njëjtat çmime, si në vendin e tyre. Ky privilegj vlen për qytetarët e Maqedonisë, Serbisë, Malit të Zi, Shqipërisë, Kosovës dhe BeH. Kjo do të thotë se bisedat në celular, mesazhet SMS dhe përdorimi i internetit tarifohen me të njëjtat çmime, si në shtëpi.

Nga Agjencia për Komunikime Elektronike, thonë se në vitin e fundit, në të cilin shërbimet roaming në vendet e Ballkanit Perëndimor, tarifohen me të njëjtat çmime si në shtëpi, ka pasur një rritje drastike të bisedave, mesazheve SMS dhe përdorimit të Internetit. Megjithatë, autoritetet paralajmërojnë sërish qytetarët që të kenë kujdes në përdorimin e internetit, kur janë në roaming.

“Nëse një shfrytëzues me parapagesë me abonim mujor prej rreth 15 eurove, ose rreth 900 denarë në muaj, do të kishte rreth katër deri në pesë gigabajt internet jashtë. Përdoruesi pa parapagesë do të kishte rreth dhjetë euro ose kredi prej 600 denarëve, do të kishte rreth 1.6 gigabajt, gjegjësisht ka një çështje të rëndësishme, ose deri në shumën e kredisë që ka”, tha Marjan Pejovski .

Që më shumë përdoren shërbimet roaming, konfirmojnë edhe qytetarët që kemi anketuar. Por, ata thonë se nuk janë lëshuar aq shumë si në shtëpi, dhe internetin e kanë përdorur minimalisht.

“Po, e kam përdorur në Serbi dhe ka funksionuar”.

Çfarë keni përdorur më shumë?

“Kam përdorur telefoninë, nuk kam përdorur internet”.

Nuk kishit probleme? ”

Jo, nuk kisha”.

Internet sa ke paguar?

“10 euro”.

Dhe e ke përdorur telefonin, apo jo?

“Po”.

A je i kënaqur me roamingun?

-“Po, shumë”.

Ndërkohë Maqedonia është vendi i parë në rajon, që para disa ditësh prezantoi përdorimin e teknologjisë 5G./Alsat.mk