Nisin testet provë për pasaportat e COVID-19 në Britani

Kryeministri i Britanisë së Madhe, Boris Johnson pritet që gjatë ditës së sotme të marrë pjesë në testet provë për pasaportat e COVID- 19.

Ai gjithashtu ka njoftuar se çdo javë dy teste të shpejta do të ofrohen falas për çdo të rritur në Angli.

Lajm i mirë edhe për tifozët anglezë të futbollit. Ata do të kthehen në stadiumin Wemble për finalen e Kupës më 15 maj.

Eventi është një nga disa testet që do të përdoret nga qeveria për të provuar gjatë javëve të ardhshme një sërë masash përfshirë të ashtuquajturat “pasaporta COVID”.

Qëllimi është të shihet nëse njerëzit mund të kthehen në mënyrë të sigurt në tubimet masive në arenat sportive, klubet e natës dhe koncertet.

Pasaportat pritet të tregojnë nëse një person është vaksinuar, është testuar së fundmi negativ për virusin, ose nëse gjashtë muajt e fundit ka kaluar virusin dhe ka krijuar imunitet.

Disa evente do të zbulojnë gjithashtu se si ventilimi dhe testimi para dhe pas grumbullimeve mund të ndihmojnë turmat të kthehen në normalitet.

Deri më tani frekuentimi i pub-eve dhe restoranteve, të cilët po përgatiten të mirëpresin klientët pas lehtësimit të masave nuk janë përfshirë në testim.

Lehtësimi i kufizimeve pritet me padurim në Mbretërinë e Bashkuar, por çështja e pasaportave të vaksinave ka qenë një temë, e cila ka ngjallur shumë debat.

Disa kritikë thonë se ata do të diskriminojnë anëtarët e varfër të shoqërisë dhe kombet e varfëra që nuk kanë qasje në vaksinat.

Komisioni Europian po propozon një Certifikatë të Gjelbër Digjitale në një përpjekje për të rivendosur udhëtimet brenda bllokut për ata që janë vaksinuar kundër virusit.

Si dhe prova e vaksinimit, ajo do të tregojë gjithashtu nëse mbajtësi ka krijuar imunitet pasi ka kaluar virusin edhe nëse nuk është vaksinuar.

Qëllimi është të shmangë diskriminimin ndaj atyre që nuk kanë janë vaksinuar.

LEXO EDHE:

Back to top button