Një bateri revolucionare po vjen: distanca 400 km me 10 minuta karikim

Pritja e gjatë për të ngarkuar baterinë është një nga arsyet më të rëndësishme pse shumë njerëz nuk mendojnë të blejnë një makinë elektrike. Të jem i sinqertë, arsyeja më e rëndësishme është çmimi i lartë i vetë makinave, dhe nuk mbeten mbrapa edhe çmimet e karikimit të karikuesve të shpejtë, të cilët shpesh do të jenë (shumë) të larta.

Bateria e re nga Kina duhet të zgjidhë të paktën problemin e parë – shpejtësinë e karikimit. Thuhet se u jep makinave elektrike një distancë prej 400 kilometrash me vetëm dhjetë minuta karikim. “Shenxing sjell një epokë të karikimit super të shpejtë të automjeteve elektrike,” tha prodhuesi më i madh kinez i baterive CATL.

Let’s take one minute to once again experience our fascinating Shenxing battery at the launch event of August 16! The mass production of Shenxing will be achieved by the end of 2023, and EVs equipped with Shenxing will be available on the market in the first quarter of 2024. pic.twitter.com/z1VwQ5SABw

— CATL (@catl_official) August 18, 2023

Për krahasim, Tesla thotë se Supercharger-i i saj mund të karikojë një Model 3 me një distancë prej 175 milje në rreth 15 minuta. Bateria e re CATL duhet të sigurojë një distancë prej 700 kilometrash për karikim!

 

Prodhimi masiv duhet të fillojë në fund të këtij viti, dhe bateria do të jetë në dispozicion nga tremujori i parë i 2024. Kina është lider në tregun e baterive për makinat elektrike. Në dhjetor të vitit të kaluar, CATL nisi fabrikën e saj të parë jashtë Kinës – në Gjermani.