Një dhëmb njeriu 1.8 milionë vjeçar është zbuluar në Gjeorgji
Arkeologët në Gjeorgji kanë zbuluar një dhëmb 1.8 milionë vjeçar që i përket llojit të Homo erektusit të parë, gjë që forcon teorinë e shkencëtarëve se vendbanimet e para parahistorike në Evropë kanë ekzistuar në atë rajon, ku ai ka mbërritur nga Afrika.
Dhëmbi u gjet pranë fshatit Orozmani, rreth njëqind kilometra në juglindje të kryeqytetit të Gjeorgjisë, Tbilisi, pranë zonës Dmanisi, ku në fund të viteve ’90 dhe në fillim të viteve 2000 u gjetën kafka njerëzore që datojnë 1.8 milion vjet më parë.
Vendi Dmanisi është zbulimi më i vjetër i tillë jashtë Afrikës dhe ka ndryshuar kuptimin shkencor të evolucionit të hershëm njerëzor dhe migrimit njerëzor.
Dmanisi skull, also known as Skull 5 or D4500, is one of five skulls discovered in Dmanisi, Georgia. It is estimated to be about 1.8 million years old and is most complete skull of a Pleistocene Homo species, and the first complete adult hominin skull of that degree of antiquity. pic.twitter.com/dJgLad8tON
— Alien UFO Sightings (@alienufovideos) September 23, 2021
Një nga vendet e para ku njerëzit erdhën nga Afrika
Zbulimi i fundit, i gjetur në një vend 20 kilometra larg, ofron dëshmi të mëtejshme se rajoni malor i Kaukazit jugor ishte ndoshta një nga vendet e para ku komunitetet njerëzore u vendosën pas migrimit nga Afrika, thanë ekspertët.
“Orozmani dhe Dmanisi janë qendra të vendbanimit më të vjetër njerëzor – Homo erectus i hershëm – në botën jashtë Afrikës”, njoftoi dje Qendra Kombëtare për Kërkimet Arkeologjike dhe Prehistorinë në Gjeorgji pasi gjeti dhëmbin.
Georgi Bijinashvili, kreu i grupit shkencor të arkeologjisë, beson se dhëmbi i përkiste një “të afërmi” të Zezva dhe Mzia, dy kafkat e plota 1.8 milion-vjeçare të fosilizuara të gjetura në vendin e Dmanisi.
Fosili më i vjetër i njeriut u gjet në Etiopi
“Rëndësia e këtij zbulimi është e madhe pasi konfirmon se njerëzit u larguan nga Afrika 1.8 milionë vjet më parë”, tha studentja britanike e arkeologjisë që gërmoi për herë të parë dhëmbin në vendin e Orozmanit.
“Kjo e forcon Gjeorgjinë si një vend vërtet të rëndësishëm për paleoantropologjinë dhe historinë njerëzore në përgjithësi,” tha ai.
Fosili më i vjetër i njeriut në botë është 2.8 milionë vjet i vjetër dhe është pjesë e një nofulle të zbuluar në tokën e Etiopisë së sotme.
Shkencëtarët besojnë se njerëzit e hershëm, Homo Erectus, të cilët ishin gjuetarë-mbledhës, ndoshta u larguan nga Afrika rreth dy milionë vjet më parë.
Një mjet i lashtë 2.1 milion vjet i vjetër është gjetur në Kinën e sotme, por mbetjet e Homo erektusit të parë jashtë Afrikës deri më tani janë gjetur vetëm në Gjeorgji.