Një lloj i ri sëmundjeje? Një substancë grumbullohet në trupin tonë dhe do të shkaktojë shumë probleme

Këto depozita u hoqën gjatë operacionit dhe u analizuan për praninë e mikroplastikës dhe nanoplastikës (MNP). Nga 257 pacientët e testuar, 150 u zbuluan se kishin mikroplastikë polietileni, një material që përdoret shpesh për të bërë qese plastike dhe shishe.

Megjithatë, ky nuk ishte i vetmi lloj i plastikës që u gjet: në 31 pacientë u gjet polivinilklorur, i njohur më mirë si PVC ose plastika nga e cila prodhohen tubat e kanalizimeve.

Gjetje e rëndësishme

Hulumtuesit më pas ekzaminuan mostrat e depozitave nën një mikroskop për të marrë një ide të madhësisë së fragmenteve plastike. Imazhet zbuluan grimca të thyera në depozitat, të cilat ekipi vlerësoi se ishin pothuajse të gjitha më të vogla se një mikrometër – më pak se një e pesëdhjetë e diametrit të një floku mesatar të njeriut.

Prania e mikroplastikës në depozitat është një gjetje domethënëse në vetvete, por çfarë ndodh me ndikimin e mundshëm në organizëm? Për ta zbuluar, studiuesit i ndoqën pacientët për gati tre vjet. Në fund të asaj periudhe, ata zbuluan se pacientët me depozita që përmbanin mikroplastikë kishin një rrezik 2.1 herë më të madh për atak në zemër, goditje në tru ose vdekje nga çdo shkak, krahasuar me ata pa fragmente plastike.

Pavarësisht kësaj, studiuesit theksojnë se gjetjet e tyre nuk janë provë përfundimtare se mikroplastika janë shkaku i këtyre ngjarjeve shëndetësore. Faktorë të tjerë që mund t’i vënë njerëzit në rrezik përfshijnë: dieta, stërvitja dhe pirja e duhanit. Megjithatë, një koment që shoqëron studimin, i shkruar nga epidemiologu Dr. Philip J. Landrigan, sugjeron që hulumtimi ngre një numër pyetjesh të ngutshme.

– A duhet të konsiderohet ekspozimi ndaj mikroplastikës dhe nanoplastikës si faktor rreziku për sëmundjet kardiovaskulare? Cilat organe përveç zemrës mund të jenë në rrezik? Si të zvogëloni ekspozimin? – ka shkruar Landrigan.