Një pjatë e verdhë plot shije: Karkaleca me një salcë kremoze kokosi që pëlqehet në të gjithë botën

Mund ta provoni salcën me kerri në shumë restorante lokale dhe mund ta bëni lehtësisht edhe vetë. Kjo erëz është lehtësisht e disponueshme sot, dhe përgatitja është vërtet e thjeshtë. Zakonisht shtojmë kerri në kombinim me mish pule, derri apo perime dhe sot ju sjellim variantin më të shpejtë të salcës me kerri me karkaleca.

Pjata e verdhë, plot shije dhe aromë, është një nga pjatat më të famshme në botë, veçanërisht sepse është krijuar në kryqëzimin e kuzhinës indiane dhe britanike. Fjala “curry” besohet se vjen nga shteti i Indisë Jugore të Tamilit. Historianët e ushqimit pajtohen se kerri është një erëz tradicionale indiane, por pa ndihmën britanike nuk do të kishte qenë kurrë kaq i përhapur. Falë mbretëreshës Elizabeth që solli 250 mijë ushtarë britanikë në Indi, dashuria e tyre për ushqimin dhe erëzat indiane krijoi këtë salcë kerri siç e njohim sot.

Përbërësit:

– 500 g karkaleca
– 1 qepë
– 100 ml qumësht kokosi
– 2 cm xhenxhefil
– lëng limoni
– gjysmë luge koncentrat domate
– 1 lugë keri + një lugë çaji shafran i Indisë
– majdanoz
– koriandër
– hudhër pluhur
– kripë , piper, piper djeges piper i kuq sipas deshires
– vaj kokosi

Përgatitja:

Në vaj kokosi skuqni qepën e grirë hollë. Qëroni dhe grijeni xhenxhefilin dhe ia shtoni qepës. Skuqini duke e përzier vazhdimisht për rreth 10 minuta në mënyrë që qepa të zbutet plotësisht. Hollojeni koncentratin e domates me dy lugë ujë dhe shtoni erëzat dhe lëngun e limonit. Nëse është e nevojshme, holloni më tej masën dhe hidheni mbi qepën dhe xhenxhefilin. Gatuani për 10 minuta, më pas shtoni karkalecat. Në fund shtoni qumështin e kokosit dhe gatuajeni edhe 5 minuta të tjera. Shërbejeni me oriz të zier. Ju bëftë mirë!