Një qen policie brazilian është bërë sensacion në internet
Një qen policie shpëtimi është bërë maskota e policisë braziliane dhe një nga sensacionet më të mëdha të internetit për momentin.
I quajtur nëntetar Oliveira, qeni erdhi në polici falë oficerit të policisë Cristiano Oliveira, i cili e gjeti në vitin 2019 pranë komisariatit, të braktisur, të plagosur dhe të uritur.
Tani qeni është një pjesëtar i vlefshëm i policisë në Rio de Zhaneiro, i veshur me uniformë policie, syze dhe armë imituese dhe merr pjesë në patrulla.
“E vesha me veshje policie si shaka dhe e fotografova dhe fotoja u bë virale”, tha Oliveira.
Qeni ka edhe profilin e tij në Instagram, ku numëron më shumë se 118 mijë fansa.