Një recetë e vjetër e amvisave italiane – makaronat më të famshme siciliane

Italianët janë të famshëm për makaronat e tyre të shijshme dhe në Siçili mund të provoni një specialitet të vërtetë. Amvisat e aftë italiane kanë shpikur një recetë për makarona që është edhe e shijshme, por edhe e përsosur. Përgatitet shpejt dhe kombinimi i ullinjve, domateve qershi, açuges dhe verës së bardhë është thjesht i papërmbajtshëm. Do të shijoni çdo kafshatë.

Përbërësit e nevojshëm:

• 230 g spageti
• vaj ulliri
• 2-3 thelpinj hudhër
• ½ lugë çaji piper i bluar
• 1 lugë gjelle pastë domate
• 3/4 filxhan verë të bardhë të thatë
• 15 g açuge
• 60 gr ullinj te zinj dhe jeshil (pa fara)
• 2 lugë gjelle kaperi (të kulluar dhe të kripur)
• 230 g domate qershi
• majdanoz i freskët
• parmixhano
• kripë

Përgatitja:

I vendosim spagetit të ziejnë. Skuqini hudhrat e grira dhe piperin e bluar në një tigan me pak vaj për rreth 30 sekonda. Më pas shtoni pastën e domates dhe përzieni. Pas disa minutash, shtoni verën e bardhë, açugat, kaperin dhe ullinjtë e grirë dhe përzieni. Kur të fillojë të ziejë, shtoni disa lugë çaji nga uji i nxehtë në të cilin janë gatuar spageti. Më pas shtoni domatet qershi të prera në gjysmë. Lëreni të ziejë edhe për 3 minuta të tjera. Kulloni spagetin dhe shtoni në tigan, më pas përzieni. Fikim sobën, më pas e spërkasim me parmixhan, e trazojmë dhe e spërkasim sërish me parmixhan. Nëse ju duket e thatë, shtoni pak ujë në të cilin janë gatuar makaronat.