Nunjez: Maqedonia ka kualitet dhe ka respektin tonë

Kombëtarja e Portugalia eliminoi Turqinë në sfidën e plej offit të eliminatoreve shtesë drejt Botërorit “Katar 2022” dhe tani mendon për duelin me Maqedoninë, që do të zhvillohet gjatë ditës së martë.

Fitorja e Maqedonisë në Palermo është një paralajmërim i madh për skuadrën e drejtuar nga Kristiano Ronaldo, andaj Mateush Luiz Nunjez nuk dëshiron në asnjë mënyrë ta nënvlerësojë Maqedoninë.

“Nuk duhet të mendojmë se do të jetë e lehtë ndaj Maqedonisë. Tani duhet të pushojmë dhe të punojmë me taktikat tona për ndeshjen e radhës. Maqedonia është një ekip që meriton gjithë respektin tonë. Ata shkuan në Itali dhe fituan, duhet të kesh cilësi për ta bërë këtë”.