Ohri është shndërruar në atraksion për turistët e huaj që vizitojnë Durrësin e Shqipërisë

Gazetar: Miki Trajkovski

Operatorët turistikë shqiptarë ofrojnë Ohrin për shëtitje njëditore për turistët e huaj dhe vendas, që qëndrojnë në bregdetin e tyre. Nëse deri vetëm dy vjet më parë, vizitorët e huaj në Ohër shkonin drejt Shqipërisë për një ditë, tani vizitorë të shumtë që udhëtojnë kryesisht në Durrës dhe zonën përreth shkojnë në Ohër.

” Shqipëria po përjeton një fluks të madh vizitorësh, çdo vit ka gjithnjë e më shumë vizitorë, gjithnjë e më shumë hotele të reja, plazhe dhe restorante të reja. Nëse tani kemi dy aeroplanë çarter nga Polonia në Ohër, ka gjashtë çarter nga Polonia nga vetëm një operator në Shqipëri, dhe ku janë operatorët e tjerë turistikë. Ka dhjetë deri në dymbëdhjetë çarterë në javë vetëm nga Polonia. Të mos listojmë vendet e tjera”, tha Jakim Malenko – pronar i një agjencie turistike.

Por gjërat mund të ndryshojnë me një strategji të mirë.

“Tani kemi një qeveri të re, në nivel shtetëror dhe turizmi ka hyrë në Ministrinë e Kulturës, dhe ne duhet të ulemi me autoritetet dhe sektorin real në turizëm për të bërë një strategji të mirë, që do të mbështetet nga qeveria, dhe viti i ardhshëm të jetë shumë më i mirë. Të mos shkohet me fushata dhe në mënyrë spontane. Kush si do të menaxhojë. Por të ketë rregulla të lojës, dhe kjo është e ardhmja e Ohrit”, u shpreh Vlado Sukloski – punëtor turistik.

Ndërkohë numri i vizitorëve që vijnë në Ohër me fluturime çarter çdo vit po zvogëlohet, thotë Malenko. Një nga arsyet për këtë është shfrytëzimi i pamjaftueshëm i aeroportit.

“Një numër linjash u shfuqizuan. Të gjitha linjat janë drejtuar në Tiranë, duke bërë automatikisht që numri i vizitorëve të jetë shumë herë më i lartë se në vendin tonë. Një nga gjërat shumë të rëndësishme është aktivizimi dhe puna për të rivendosur të gjitha linjat, dhe për të hapur sa më shumë linja të jetë e mundur. Qoftë përmes një plani dhe programi, qoftë përmes subvencioneve ose zbritjeve. Ka një milion mënyra për të stimuluar linjat ajrore që të operojnë nga Shkupi dhe Ohri”, tha Jakim Malenko-pronar i një Agjencie turistike.

Për shkak të linjave të shumta për në destinacione të ndryshme më shumë se njëqind, aeroporti në Tiranë vitin e kaluar 2023 u përdor nga më shumë se 10,000 qytetarë tanë./Alsat.mk