Osmani reagon për aksidentin tragjik në Kroaci: Shteti do të jetë në krahë të familjeve të viktimave dhe të lënduarve

Të paktën 10 persona raportohet të kenë vdekur si pasojë e një aksidenti që ka ndodhur mëngjesin e së dielës në Kroaci.

Pas aksidentit ka reaguar presidentja e Kosovës, Vjosa Osmani.

Ajo përmes një shkrimi në rrjetin e saj social Facebook ka thënë se nga Ambasada e Kosovës në Zagreb dhe autoritetet kroate, është njoftuar për aksidentin fatal.

Ajo ka shkruar se shteti i Kosovës do të jetë në krah të familjeve të atyre që kanë vdekur sikurse edhe të të lënduarve.