Panova: Refuzimi për takim liderësh, sjellje joserioze e kryeministrit

Për deputeten e VMRO-DPMNE-së, Eli Panova, refuzimi i ofertës për takim me liderin e opozitës VMRO-DPMNE nga ana e kryeministrit Dimitar Kovaçevski nuk është serioze, duke shtuar se vendi ka nevojë për ndryshime urgjente në disa fusha. Në emisionin “Rruga Drejt” në Alsat, Panova mes tjerash tha:

“Është vërtetë infantile dhe joserioze që kryeministri të refuzojë takimin me kryetarin e partisë, gjegjësisht kryetarin e VMRO-DPMNE-së, Hristijan Mickoski. Refuzoi ndihmën ekipeve të krijuara për katër fusha për të cilat duhen ndryshime urgjente… kjo është një nga mënyrat që duam të faktorizojmë dhe të bëjmë të ditur se qeveria nuk mund të vendosë për çështje shumë të rëndësishme, nga ana tjetër është e paaftë ndërsa në të njëjtën kohë kemi nevojë për ndihmë që të shkojmë sa më shpejt në zgjedhje të parakohshme parlamentare”, tha Panova./Alsat.mk