Paolo Maldini, merr ofertë joshëse nga Arabia Saudite

Paolo Maldini së shpejti mund t’i rikthehet futbollit, pasi raportet e fundit e kanë lidhur atë me një lëvizje drejt Arabisë Saudite. Sipas Fabrizio Romano, ish-kapiteni legjendar i Milanit është kandidati kryesor për të marrë postin e drejtorit te Al-Ittihad.

Ish-drejtori i Milanit thuhet se do të vendosë së shpejti për të ardhmen e tij, derisa është duke shqyrtuar seriozisht ofertën nga klubi saudit. Italiani te Al-Ittihad do të niste një kapitull të ri edhe për klubin, që do të kërkojë një trajner të ri pas shkarkimit të Nuno Espirito Santo. Maldini ka mbetur i papunë që nga largimi i tij nga Milani, ku kishte shërbyer si drejtor teknik, në fund të sezonit 2022/23. Drejtorit sportiv Ricky Massara iu tregua gjithashtu dera gjatë verës.

Gjatë kohës së tij si drejtor në “San Siro”, 55-vjeçari u vlerësua me sigurimin e një lidhjeje të rëndësishme midis skuadrës së parë dhe bordit të drejtorëve. Ai njihej gjithashtu si motivuesi kryesor i skuadrës, duke edukuar lojtarët për rëndësinë e përfaqësimit të Milanit.