Partia Liberal Demokrate kërkon fundjavë pa TVSH

Partia Liberal Demokrate kërkon fundjavë pa TVSH. Qëllimi, siç thonë, është që qytetarët të kenë çmime më të ulëta dhe të rrisin fuqinë blerëse, ku do të mund të blejnë produkte me zbritje deri në 20 për qind.

Idenë e kanë marrë nga Shtetet e Bashkuara, ndërsa këtë masë e praktikojnë 32 shtete. PLD propozon që gjatë sezoneve turistike apo festave shtetërore të ketë fundjavë pa TVSH ku jo vetëm qytetarët do të kenë produkte më të lira, por edhe shitësit do të kontribuojnë në qarkullim më të madh.