Pas hedhjes së bojës te Ministria e Drejtësisë, Omer Ajdini thirret në polici

Kryetari i Forumit Rinor të Aleancës për Shqiptarët, Omer Ajdini, është thirrur në bisedë informative në stacionin policor në Qendër. Këtë e ka bërë të ditur vetë Ajdini në rrjetet sociale. Supozohet se Ajdini është thirrur në bisedë në polici për shkak të aktivitetit të disa ditëve më parë të Forumit rinor të ASH-së dhe deputetëve të kësaj partie, të cilët e lyen me ngjyrë të kuqe hyrjen e Ministrisë së Drejtësisë, duke protestuar për kërkesën për faljen e të dënuarve Boban Iliç, Seat Koçanin dhe disa të tjerë me dosje kriminele.