Pas javësh tensionesh në rritje, Nuno Espirito Santo nuk do të jetë më trajneri i Notingam Forest. Përçarja me presidentin Marinakis është bërë e pakthyeshme. Gjithcka erdhi pas një marrëveshjeje të dështuar për rinovimin e kontratës së trajnerit portugez dhe një vere mosmarrëveshjesh mbi vendimet e transferimeve.
Forest tani po kërkon një trajner të ri: Ejnxh Postecoglou, ish-trajneri i Totenham, thuhet se është një kandidat i fortë për këtë pozicion, por disa javë më parë u përfol edhe emri i Hoze Murinjos.
Emrat e tjerë janë ata të Andoni Iraola, Oliver Glasner e Marko Silva. Ky është shkarkimi i parë i këtij sezoni në Premier Ligë, që vjen shumë shpejt, pas vetëmn tri javësh kampionat.
