Pejë, policia ndërhyri në një rast dhunë në familje por gjeti shumë armë

Policia e Kosovës ka arrestuar në Pejë një 46 vjeçar me inicialet L.M, pasi i njëjti ka sulmuar fizikisht bashkëshorten e vet. Ndërsa në njërën nga dhomat e shtëpisë së tij janë gjetur armë të ndryshme dhe municion.

- Advertisment -

Sipas policisë, ata së pari janë informuar nga viktima për një rast dhunë familjare.

Njësiti Policor pran Stacionit Policor në Pejë, menjëherë ka dalë në vend-ngjarje dhe me të hyrë në një dhomë mbi një tryezë kanë hasur në disa armë dhe municion, i dyshuari L. M. i lindur 1974 është arrestuar.

“ Tek i dyshuari janë hasur dhe konfiskuar një armë automatike Tomson dhe dy karikator, një armë artizanale, një pistoletë Bereta, me një karikator, një pistoletë Colt, me një karikator, dy karikator AK-47, një vazhdues tromblonik dhe municion kalibrave ndryshëm”, thuhet në njoftimin e policisë në Pejë.

I dyshuari pas intervistimit, me urdhër të prokurorit shtetit i është caktuar masa e ndalimit policor.

LEXO EDHE:

Back to top button