Për herë të parë në tenis, debutuesi arrin në gjysmëfinale

Për herë të parë në historinë e tenisit modern, një tenist që debuton në një grand slam arrin të kualifikohet në gjysmëfinale. Kjo gjë ka ndodhur me tenistin rus Aslan Karatsev, që në çerekfinalen e “Australian Open”, mundi bullgarin Grigor Dimitrov me 3-1 në sete (2-6, 6-4, 6-1, 6-2). Karatsev, që para se të niste turneu ishte në vendin nr.114 në botë, humbi setin e parë, por më pas arriti të përmbysë shifrat, duke përfituar edhe nga dëmtimi në shpinë që kishte Dimitrov (numri 18 në botë).

- Advertisment -

 

Falë kualifikimit në gjysmëfinale, tenisti rus është ngjitur në vendin e 42-të. Në rast se del në finale shkon në vendin e 30-të dhe në rast se fiton “Australian Open” do të jetë i 15-ti. Në gjysmëfinale ai do të luajë me fituesin që do të dalë nga sfida mes serbit Novak Gjokovic e gjermani Aleksander Zverev. Rusia është e sigurt që do të ketë dy tenistë në gjysmëfinale, pasi në njërën nga çerekfinalet që do të luhet nesër do të jenë përballë dy rusë,  Medveded dhe Rublev.

LEXO EDHE:

Back to top button