Perez i hidhëruar me futbollistin e nënshkruar 6 muaj më parë
Burimet spanjolle thonë se presidenti i Madridit, Florentino Perez, i vjen keq për nënshkrimin e klubit me mbrojtësin Antonio Rudiger. Tani ai është në kërkim të një zëvendësuesi. Sipas “El Nacional”, janë dy lojtarë në listën e Perez-it: Milan Shkrinjar i Interit dhe Pau Torres i Viljarrealit.
Rudiger përfundoi në “Santiago Bernabeu” në verën e vitit 2022 kur nuk e rinovoi kontratën me Çellsin. Gjatë kësaj kohe ai nuk arriti t’i përmbushte pritshmëritë dhe për lojën e tij shpesh merr nota kritike. Në finalen e Superkupës, një gabim i një mbrojtësi gjerman çoi në golin e parë të Barcelonës. Tani Rudiger po zëvendëson të dëmtuarin David Alaba.
Milan Skrinjar përfundoi në Milano në vitin 2017. Ai njihet për fizikun e tij, aftësinë për të luajtur në ajër dhe konsiderohet si një nga më të mirët në Serie A.
Pau Torres është një nga liderët e Viljarrealit. Në sezonet e fundit, ai shpesh është lidhur me një kalim në Madrid. /abcnews.al/