Përpos ofertave nga Arabia Saudite, Liverpulli i bindur se Sallah do të zgjasë kontratën
Drejtuesit e klubit të Liverpulit thuhet se besojnë në rinovimin e kontratës së yllit kryesor të skuadrës, Mohamed Sallah, edhe përkundër ofertave të shumta drejt tij. Sipas mediumit “talkSPORT”, Liverpulli është optimist për arritjen e një marrëveshjeje për të vazhduar kontratën e yllit egjiptian, Sallah.
Ylli egjiptian 32-vjeçar i skadon kontrata këtë verë, por pavarësisht interesimit nga Arabia Saudite dhe në mbarë Evropën, ai aktualisht nuk është në bisedime për një lëvizje. Një ofertë prej 175 milionë eurosh nga “Al Ittihad” në vitin 2023 u refuzua dhe spekullimet kanë vazhduar, megjithëse Sallah ka bërë pak për ta shuar atë.
Sallah, i cili po shijon një sezon brilant me 27 gola dhe 17 asistime, është në rrugën e duhur për sezonin e tij më të mirë ndonjëherë. Ai është vetëm tre asistime larg arritjes së rekordit të Premier Ligës për më shumë kontribute në një sezon dhe i duhen pesë gola të tjerë për të barazuar rekordin e tij prej 32 golave nga sezoni i tij i parë te Liverpulli.
Me zvogëlimin e spekullimeve për një lëvizje saudite, duket se Sallah dëshiron të qëndrojë në Liverpulli, me diskutime të fokusuara në të ardhmen e tij në “Anfield”. Në kohën e tij në klub, Sallah ka shënuar 243 gola dhe ka asistuar 110, duke fituar trofe të shumtë, duke përfshirë Premier Ligën dhe Ligën e Kampionëve.
