Pista e re me kosto zero për mesfushën e kuqezinjve të Milanit

Me vetëm një ndeshje për të luajtur dhe kualifikimin e garantuar në Ligën e Kampionëve, Milani fillon të mendojë për sezonin e ardhshëm. Siç raporton “Radio Rossonera”, (mbi)emri i është shtuar listës së përforcimeve të mundshme të hartuara nga dyshja Maldini dhe Massara është Juri Tielemans.

Mesfushori belg sapo ka përfunduar kampionatin me Leicesterin, i zbritur në Championship shtatë vite pas triumfit historik në Premier Ligë me Klaudio Ranierin si trajner.

I linduri në vitin 1997, ai do të largohet nga “Foxes” më 30 qershor, datë në të cilën do t’i skadojë marrëveshja aktuale me klubin anglez. Pra, do të largohet falas nga Lester Siti. Roma po i kushton gjithashtu vëmendje belgut, e cila për shkak të kufizimeve të “fair play financiar” do të vazhdojë linjën e vet të përforcimeve me kosto të ulët edhe këtë vit.

Mbetet për t’u parë se cili nga dy klubet italiane do të tentojë i pari mësymjen për mesfushorin në fjalë dhe nëse përfundimisht do të jetë në gjendje ta bindë Tielemans që t’i bashkohet kauzës përkatëse.