Pjesë të Çairit pa ujë, do të ndërpritet edhe rrjeti i Spitalit Gjinekologjik
Për shkak të riparimit të një defekti në rrjetin e ujësjellësit, sot do të mbeten pa ujë shfrytëzuesit e disa rrugëve në komunën e Çairit, përfshirë edhe Spitalin Gjinekologjik dhe Obstetrik “Çairi”.
Siç njofton Qendra Rajonale për Menaxhimin e Krizave të Qytetit të Shkupit, pas njoftimit nga Ndërmarrja Publike Ujësjellës-Kanalizim, ndërprerje të furnizimit me ujë do të kenë shfrytëzuesit në rrugët “Nexhat Agolli”, “Kosta Abrasheviq” dhe “Krimska”.
Ndërprerja do të fillojë në orën 09:00 dhe do të zgjasë deri në riparimin e defektit të rrjetit të ujësjellësit në kryqëzimin ndërmjet rrugëve “Nexhat Agolli” dhe “Kosta Abrasheviq”.
