Policia konfirmon arrestimin e ish drejtuesve të Barcelonës
Policia katalunase, “Los Mossos D’Esqueadra” ka konfirmuar arrestimet në klubin e Barcelonës. Mediat spanjolle raportuan se ish-presidenti i Barcelonës, Hoze Maria Bartomeu, zyrtari ligjor, Roman Gomez Ponti dhe shefi ekzekutiv, Oskar Granu janë arrestuar nga Policia.
Agjentët e krimeve ekonomike kanë përfunduar bastisjen e tyre në zyrat e klubit, ku pas informacioneve kanë arrestuar Bartomeun, Pontin dhe Granun. Tani, përmes një komunikatë zyrtare, Policia ka konfirmuar arrestimet dhe bastisjet e përfunduara në klubin e Barcelonës.
“Operacioni i Qendrës së Krimeve Ekonomike i cili është e lidhur me Barcelonën. Disa hyrje dhe bastisje janë duke ndodhur”, u tha në komunikatën e Policisë.
