Politikanët në Berlin planifikojnë të rrisin ndjeshëm gjobat për hedhjen e paligjshme të mbetjeve në qytet

Kjo rezulton nga propozimi i përfaqësuesve të CDU dhe SPD, i cili është në dispozicion të mediave gjermane dhe që do të debatohet në parlament, shkruajnë mediat gjermane.

Hedhja e paligjshme e kashtës, qeseve plastike apo gotave të njëpërdorimshme mund t’u kushtojë qytetarëve shumë shpejt 250 euro – në vend të 55 eurove aktuale.

– Ndryshimet nevojiten urgjentisht. Miliona euro të taksapaguesve do të shpenzohen për asgjësimin e mbetjeve të hedhura në mënyrë të egër – tha një përfaqësues i CDU, i cili ndihmoi në krijimin e katalogut të ri të gjobave.

Vetëm në vitin 2023, kostot e pastërtisë urbane të Berlinit pritet të arrijnë në 12 milionë euro.

Polonia padit Gjermaninë për mbetje

Polonia paraqiti një ankesë në Gjykatën e Drejtësisë së Bashkimit Evropian në lidhje me ruajtjen e paligjshme të mbetjeve gjermane në territorin e saj, njoftoi Ministria polake e Klimës dhe Mjedisit.

– Polonia paraqiti një ankesë në Gjykatën e Drejtësisë së Bashkimit Evropian kundër Gjermanisë për mospërmbushje të detyrimeve sipas ligjit të Bashkimit Evropian – thuhet në deklaratë.

Sipas vlerësimeve të Ministrisë polake, në periudhën 2015-2018, në Poloni kanë hyrë rreth 35 mijë tonë mbetje. Në tetor, Komisioni Evropian pranoi opinionin e Polonisë për mosmarrëveshjen me Gjermaninë, në lidhje me ruajtjen e supozuar të mbetjeve në territorin polak. Sipas opinionit të KE-së, Gjermania nuk e përmbushi detyrimin e saj për të hequr mbetjet, të cilat transportoheshin ilegalisht në jugperëndim të Polonisë, brenda 30 ditëve.