Prishi rendin dhe qetësinë publike, arrestohet nga policia

Ministria për Punë të Brendshme (MPB) njofton se në orët e hershme të mëngjesit të sotëm ka privuar nga liria 41 vjeçarin nga Gostivari i cili akuzohet për prishje të rendit dhe qetësisë publike.

“Mbrëmë (31-maj) rreth orës 02:30, në rrugën “Pitarnica” në Gostivar, zyrtarë policorë të SPB Tetovë – Departamenti për Punë të Brendshme Gostivar, kanë arrestuar 41-vjeçarin G.S. nga Gostivari, i cili paraprakisht ka prishur rendin dhe qetësinë publike. Ai është ndaluar në Stacionin Policor Gostivar dhe pas dokumentimit të plotë të rastit do të përgatitet parashtresa përkatëse”, njoftojnë nga SPB-Tetovë./Alsat.mk