‘QAnon Shaman’ pranon fajësinë për rolin e tij në trazirat e Kapitolit amerikan

Njeriu i cili e quajti veten një shaman QAnon dhe fotografia e të cilit erdhi për të përfaqësuar trazirat e Kapitolit amerikan, është deklaruar fajtor për pjesën e tij në dhunë. Jacob Chansley, 33 vjeç, i cili u pa brenda ndërtesës historike më 6 janar i veshur me brirë dhe bojë për fytyrën, ka pranuar se kishte penguar një proces zyrtar. Qindra mbështetës pro-Donald Trump zbritën në Uashington DC ndërsa Kongresi po vërtetonte fitoren presidenciale të Joe Biden në vitin 2020. Chansley është një nga afërsisht 600 njerëzit që janë akuzuar për rolet e tyre në kryengritje.

Ai mund të përballet me një dënim maksimal prej 20 vjetësh, por prokurorët kanë thënë se ai ka më shumë gjasa të burgoset nga 41 deri në 51 muaj – nga të cilët ai ka vuajtur tashmë tetë. Chansley pranoi gjithashtu se ishte pjesë e 30 protestuesve të parë që sulmuan ndërtesën 221-vjeçare. Pesë persona vdiqën në kaos ndërsa qindra, përfshirë policë, u plagosën. Fotografitë e Chansley-t me pamje të veçantë u shfaqën në mbarë botën pas ngjarjeve. Me gjoks të zbathur, ai mbante një palë brirë, kishte pikturuar flamurin e SHBA në fytyrën e tij dhe bërtiste në një bullhorn, duke e quajtur ish-nënpresidentin Mike Pence një “tradhtar”-me sa duket për ndihmën për të certifikuar Joe Biden si president.

Para pranimit të fajësisë të Premten, Chansley tha: “Unë jam shumë mirënjohës për gatishmërinë e gjykatës për të shqyrtuar dobësitë e mia mendore.” Gjyqtari i Qarkut amerikan Royce Lamberth aktualisht po shqyrton kërkesën e Chansley për t’u liruar nga burgu ndërsa ai pret të dënohet më 17 nëntor. Duke argumentuar për këtë, Watkins tha: “Zoti Chansley ka zero histori kriminale, ne e dimë se ai nuk ishte një planifikues (i trazirave), ai nuk ishte i dhunshëm.” Rreth 50 të tjerë gjithashtu janë deklaruar fajtorë për kryerjen e krimeve gjatë trazirave të Kapitolit amerikan, por shumica e tyre kanë qenë për akuza për kundërvajtje.