Qeveria do të heq dorë nga furnizimi me avion të ri, Mickoski: Do të lutemi që të mbetemi gjallë

Kryeministri Hristijan Mickoski deklaroi sot se Qeveria do të heq dorë nga furnizimi me avion të ri dhe se do ti luten Zotit që të mbeten gjallë. Ai debatin e opozitës rreth kësaj teme e cilësoi si goditje të ulët.

“Unë e përcjelli këtë debat, e kuptoj debatin nga ana e pozitës, ata mendojnë se më goditje të ulëta do të ngrenë ndonjë temë. Megjithatë njoftoj opinionin se unë avionin qeveritar e kam shfrytëzuar 4 herë, njëherë në Budapset kisha një takim me Viktor Orban, andej kam shkuar me fluturim komercial, ndërkohë që jam kthyer me aeroplanin qeveritar. Për herë të dytë isha në Beograd, asokohe kam shkuar dhe jam kthyer me aeroplanin qeveritarë. Herën e tretë isha deri në Kroaci me fluturim komercial dhe në vend të 3 ditëve kam qëndruar 4 ditë, kështu që është dashur që të kthehem me aeroplanin qeveritarë. Herën e katër e kam shfrytëzuar për një fluturim deri në Tiranë. Aeroplani është në gjendje të rregullt, mund të flisni edhe me njerëzit që e mirëmbajnë sepse janë pikërisht ata që insistojnë që të gjenden mjete dhe të sigurohet një avion i ri qeveritar. Ne do të heqim dorë nga ai furnizim, por do të lutemi që të mbetemi gjallë, në raste se humbim jetën, atëherë do tu bëhet e qartë se ky debate është i pabazë”, tha Mickoski.

Ditëve të fundit opozita në disa raste ka theksuar se Qeveria nuk ka buxhet për rritjen e pagave të punëtorëve, por se ka mjete për furnizim me avion të ri.

Mickoski gjithashtu foli edhe për ekonominë në vend dhe luftën ndaj ekonomisë gri.

“Politika jonë është e qartë – financa publike të qëndrueshme dhe një standard jetese i mbrojtur. Ne do të vazhdojmë me disiplinë në të ardhura, me përgjegjësi në shpenzime dhe me ndjeshmëri ndaj nevojave reale të qytetarëve”, tha kryeministri Hristijan Mickoski sot në fjalimin e tij në konferencën vjetore “Formalizimi i Ekonomisë Informale: Përmes Bashkëpunimit drejt Suksesit”.

Lufta kundër ekonomisë gri, theksoi Kryeministri, nuk është një fushatë, është një proces, kontrolli i çmimeve nuk është populizëm, është mbrojtja e qytetarëve.

“Do të jemi të vendosur dhe të drejtë. Si ndaj atyre që shmangin detyrimet, ashtu edhe ndaj atyre që përpiqen të përfitojnë nga krizat sepse detyrimi ynë është i qartë – një ekonomi me rend, një treg me rregulla, një shtet me dinjitet”, tha Mickoski.